Chris

De Chris, deen am Alter vun 2,5 Joer erkrankt ass, huet mat eis Kontakt opgeholl well hien vu jonkem un e ganz grousse Wonsch huet. Hien huet sech näischt méi gewënscht wéi säi grousst Idol den italieneschen Moto GP Fuerer Valentino Rossi ze treffen.

Mir hunn eis Bescht gemaach an hunn näischt onversicht geloos fir dem Chris säin Härzenswonsch ze erfëllen. Eis grouss Méi war och net em soss a sou hu mir eis zesumme mam Chris a sengen Elteren op Jerez a Spuenien op de Wee gemaach fir bei der Moto GP um Circuit live mat dobäi ze sinn.

Bei herrlechem Wieder huet de Chris sech iwwert déi ganz Deeg wi e Prënz um Circuit gefillt a konnt emol hannert d’Kulissen luussen, déi grandios Atmosphere genéissen an e ganz neien Androck gewannen. Dësen Androck gouf mat der Zäit emmer besser an hat säin Héichpunkt mam Moment op deen de Chris sech sou gefreet huet, de Moment wou hie säi groussen Held begéint. D’Begeeschterung vum Chris war onbeschreiflech a wärt fir emmer am Chris sengen Erennerungen eng grouss Roll spillen!

Kuckt dëse Video a sidd mat dobäi op dësem flotten Ausfluch.

Video vum Ignasi Pastori

Mäin Draam ass an Erfëllung gaangen. Et war einfach geilomatico!!! Dobäi hunn ech am Fliiger fir dohin nei Frënn kennegeléiert, déi och d’Moto GP kuke waren!

Chris Romitelli

Kontakt

25a, route de l'Europe L-5531 Remich

+352 671 888 000

info@wonschstaer.lu

LU82 0080 3062 1330 2001

Newsletter

Wëllt dir emmer gären iwwert all eis Projeten um Courant sinn, dann gidd eis är Coordonnéen a mir setzen Iech op eis Newsletterlëscht, esou wäerte mir iech d'ganz Joer iwwert all Neiegkeeten informéieren. Dir kënnt des Lëscht zu all Zäitpunkt verloossen andeems dir an enger Newsletter ganz ennen op “unsubscribe” dréckt oder eis eng Mail op gdpr@wonschstaer.lu maacht.

*Mir benotzen Mailchimp vir eis Newsletter, mat dem Abonnéieren confirméiert dir eis allgemeng Notzungsbedengungen gelies ze hunn an och ze akzeptéieren sou wéi eis ären Accord ze ginn, är Donnéeën un Mailchimp ze schenken a vun hinnen verwalten ze loossen. Gidd méi iwwer Mailchimp an hieren Dateschutz gewuer.