Angelo

Den Angelo, 53 Joer al, hat e schwéieren Autosaccident am Juni 1974. Hien hat knapps de Führerschäin, wou d‘Schicksal zougeschloen huet. D‘Konsequenze vun dësem Moment: schlëmm Folgen an den Angelo ass un de Rollstull gefesselt.

Hien huet laang zu Bissen an der Chocolaterie geschafft a säit Oktober 2018 ass hien an der Pensioun.

D‘Associatioun Victimes de la Route woussten dass den Angelo gäre seng Famill op Turin iwwert de Weekend vun Ouschteren besiche geet an et säi grousse Wonsch ass de Match Juventus géint Fiorentina ze kucken.

Fir eis eng flott Geleeënheet anzesprangen an dem Angelo dëse Wonsch ze erfëllen.

No laange Wochen a ville Gespréicher mat Persounen déi eis kéinten hëllefen, hu mir bal missen opginn! Nëmmen an der allerleschter Minutt an dank dem groussen Engagement vum Edward Vermeer an dem Christina (Mataarbechterin vum Juventus) hunn den Angelo a seng Begleetpersoun zwee Tickete fir de Match kritt.

E grousse Merci un den Edy an d‘Christina, well ouni hier Hëllef wär de Wonsch net méiglech gewiescht.

Juventus konnt sech mat 2-1 géint d‘Fiorentina duerchsetzen a fir déi 8te Kéier hannereneen den italienesche Championnat gewannen. Eng immens grouss Freed!

Kontakt

25a, route de l'Europe L-5531 Remich

+352 671 888 000

info@wonschstaer.lu

LU82 0080 3062 1330 2001

Newsletter

Wëllt Dir emmer gären iwwert all eis Projeten um Courant sinn, dann gidd eis Är Coordonnéen a mir setzen Iech op eis Newsletterlëscht. Dir kënnt des Lëscht zu all Zäitpunkt verloossen andeems Dir an enger Newsletter ganz ennen op “unsubscribe” dréckt oder eis eng Mail op gdpr@wonschstaer.lu maacht.

Mir benotze Mailchimp fir eis Newsletter, mat dem Abonnéieren confirméiert Dir eis allgemeng Benotzungsbédengungen gelies ze hunn an och ze akzeptéieren, sou wéi eis Ären Accord ze ginn, Är Donnéeën un Mailchimp ze schécken a vun hinne verwalten ze loossen. Gidd méi iwwer Mailchimp an hiren Dateschutz gewuer.

Allgemeng Benotzungsbedéngungen